Muri kha tshikwara

 Nda fara hoyu muri nda u dzinginyisa nga zwanda zwanga au nga dzinginei,fhedzi muya une ari u vhoni naluthihi wo dzinginisa muri wa thetshelesa.Ri dzinginiswa nga zwanda zwisavhonaliho,zwi a fana muthu na muri.Hezwi atshi toda u ya ntha uri avhone tshedza midzi yawe itsa fhasi nga maanda.Athi tsha dithemba ubva tshe nda toda u swikelela ntha,ahuna o dovhaho a nthemba,izwo zwi itwa ngani?

Namusi langa lo hamedza mulovha langa,Ndi tshiya ntha hu sala husina ano amba na nne mahada a vhuludu a ita uri ndi tetemele ndi di vhudzise uri ndi nyaga mini afha ntha ntha.Muri wo ima u wothe hafha kha tshikwara wo hula wa ya ntha ufhira muthu na buka arali wo vha u tshi toda u amba wa tshidovha u sina wo amba nae ngauri ahuna we avha atshi do u pfesesa nge wa hula wa yesa ntha.Nga zwezwo muri wa ima u tshi hula utshi ya ntha tsinisa na makole,wo imela mini?Khamusi wo imela lupenyo lwa u thoma.

Ni cou di toda mbofholowo.U toda hanu azwi ngo ni ededza lwa tshifhinga fhedzi zwoni phaphamisa.Ntha ntha luvhandeni ndi hune na tea uvha nihone ngauri avho vhare dzinaledzi vhovha na dora la muya wanu fhedzi midivhitho yanu yo toda mbofholowo.Mmbwa dzanu dzo toda u fhololowa,dzo huvha mihuvho ya dakalo ngangomu khothoni muya wadzo u tshi khou toda magethe a khotho a tshi vulwa fhedzi ni tshe chibandidi tsho digwevhaho tshone tshine.U tamba abva ndi thodea ca muthu o fholowaho muyani ngauri vhunzhi ha khotho na mubvudu zwitshe zwo salela.Mato awe a kha di tea u tshena.

Thi todi ni tshi guda nga huswa kana uni funzulula

Combela uni funza muthu-muthu,muthu utea u humbula na u fhirisa.No no ita mini uri vhathu vha humbule na u fhirisa?

Vhathu vhothe na namusi vho sika tshithu tshi no fhira vhone vhane ngeno vhoiwe ni khou toda uvha tshithu tshithihi na lelo gabelo lihulu.Tshiendangolo ndi mini kha muthu?Buka la u seisa?Buka la u shonisa?Uto fana na muthu zwawe kha muthu ano humbulesa,muthu zwawe uvha buka la u shonisa,uvha buka la u seisa.Nothe no vha ni zwivhungu zwino no no vha vhathu fhedzi kuvhungu kutuku ku tshe hone ngangomu hanu.Vhari muthu ovha a pfene fhedzi na namusi muthu ndi pfene ufhira mapfene othe a shangoni.Na vhatali vha vhoiwe vhutali havho ndi vhana vha tshipuku na u vhilingana.Ni humbule na u fhirisisa nisongo themba na muthihi wavho ano ni nea fulufhelo la zwino fhira izwi zwothe zwire shangoni.Mudzimu o fa na vho semaho mudzimu vho fa fhedzi u sema shango na zwothe zwire kha lo ndi tshone tshivhi tshihulwanesa.

Kha vhala vhano vhenga muvhili ndiri ty todi u ni funzulula kana uni funza nga huswa.Muvhili ndi haya ha nndwa na mulalo,ndi haya ha sambi na mulisa fhedzi nga murahu ha muvhili huna vhune.Vhune vhuya vhambedza,u toda,u kunda,u pwasha na u vhusa.Huna vhukondi muvhilini ufhira vhutali sa zwenezwo ndi nnyi ano zwidivha arali muvhili utshi toda vhutali?Vhune ho sea u dihudxa hutshi khou dikukumusa ha amba uri "Ndi nne murangaphanda wa u dihudza,u dikukumusa na u dizhiela ntha zwi langiwa nga nne".Vhune ha vhudza u dihudza ha ri "ipfa vhutungu",u dihudza ha thoma u pfa vhutungu na thambulo ha humbula uri vhutungu hu nga fhelisiwa ngani,atsina u dihudza hu a humbula vho?Vhune ha amba na u dihudza ha ri "ipfa mudifho",u dihudza hathoma upfa mudifho ha humbula uri hunga dzulela hani upfa mudifho tshifhinga tshothe,na atsina u dihudza hu a humbula vho?Kha vha vhengi vha muvhili ndiri vhune honehune hua di itela vhudifulufheli na vhudivhenga,vhune honehune hodi itela dakalo na mathupho.Vhudahela na vengo zwanu zwido shumela ini munewazwo.Iwe mune wo tou divhulaya nga u funa hau iwe mune ngauri Vhune avhu tsha ita zwine wa zwifunesa nge wa funesa zwi2 zwino fhira iwe mune.Nga zwenezwo wo kwatela vhutshilo na zwothe zwire kha shango,ndi nga si fare ndila ya vhoiwe vha vhengi vha muvhili nothe ani buroho yo wetshela seli ca zwihulwane

Tshidulo tsha ngudo mbuya

Thonifho nga I fhiwe khofhe,ndi tshone tshithu tshau thoma-usa dibadekanya na avho vha sa edeli vhusiku khathihi na uyo asa edeli zwavhudi vhusiku.Pfumedzana na iwe mune lwa tshivhalo nga duvha ngauri asa pfumedzani zwia mukondela u fara khofhe.Wana ngoho lwa tshivhalo nga duvha u itela uri u si vuwe vhusiku u tshi toda ngoho-ngomu hau husa do pfa ndala ya ngoho vhusiku hothe.Vhanzhi avha zwidivhi,muthu utea uvha na zwivhuya zwothe uri a kone u fara khofhe vhusiku.Ndi ambe mazwifhi?Ndi ite vhupombwe?Ndi edele na musadzi wa munwe?Zwothe hezwo zwi do kondisa u fara khofhe.

Naho muthu avha na zwivhuya zwinzhi utea u divha tshikhathi tshau ededza na zwone zwine zwivhuya u itela uri zwivhuya zwisa vhangisane.Ita mulalo na sathane tsha mudzulatsini zwa sa ralo tshi nga u tswenya vhusiku.Hulisa muvhuso wau,tevhedzela na milayo naho u muvhuso wa vhufhura uri u do kona u edela khofhe tshidele,u do ita mini arali Mannda atshi funa u tshimbila nga mulila wa vhufhura?Uyo ano isa zwifuwo zwawe hatsini vhudala ndi mulisa wavhudi nae udo edela khofhe tshidele.

A thi todi u hulisiwa lwo fhiraho nahone a thi todi lupfumo lwo fhiraho ngauri zwi do konda u fara khofhe ndi tshi edela.Vhathu vhatuku vha u dzinza vho tanganedziwa ufhira vhanzhi vha u dzinza ngeno vhe vhavhi fhedzi vha tea u tuwa nga tshikhathi tshone uri ndi kone u edela khofhe tshidele nne khosi ya zwivhuya isa vhidziho khofhe ngauri dzi vhenga u vhidziwa.

Duvha li tshi dzhena nga thavha ha da vhusiku,nda thoma u divhudxisa uri"ndo pfumedzana na nne lungana?ndo wana ngoho nngana?u hulisa muvhuso?” zwezwi ndi khou li dzeula sa kholomo khofhe a kwama mato anga a thoma u ndemela,khofhe a fara mulomo wanga wa sokou dzula wo atama.Nga solo ya tshienda tshisa pfali ada sa mbava vhukuma a ntswela muhumbulo wanga-havha u swika ha khofhe tshidele dzi songo to vhidziwaho.